Sikni engmawi zam vel hnuaiah
Nui hiau aw-rawlin min au e
“Tlang thing phur turin lo chhuak rawh le, valnema
Mualpui ram nuam i chuan ang aw”
*Tlangsam, nihawi par chhing chheng
Lailen, laiking nilum ai zawng nen
Len lai chenin vawiin chu
Chawnban vawrin nui hiau hiau in
Thing hmun chu kan zuk thleng ta a
Lengi hlim nui ri, Vala tan lai tha lo ni
Seih chung zelin a ek zel e
Zai rawng rawng leh thawk chung zelin
Khawk rum rumin mualpui ram kan awi
Duhtawk tawh ang, kumthar nawnna tur pawh a daih ta
Zawhtawk phurin sul ang kan haw
(Awi) A va pu lian em, valnema’n
Nui hawr hawrin lengi a chhawm
Lamtluang a thui tawk lo, chhunni a rei tawk lo.
Kham lo te’n tlang thing phur kan haw
Thingpui sen thlum leh chhangban nen
Saw, min lo hmuak e, nu hoin
Chhangban keih seki a, thingpui sen dawn chungin
Masi lo thleng tur thlir vawng vawng.
No comments:
Post a Comment