THLIRNA TLANG DANG

|hian d<n pahnih an rawn titi l<t bawrh bawrh a

Ruati: Awi  Vawiin Rosy kawr h^k over zia kha

Ahmai: Sing thum man an ti

Ruati: Ka awih thlawis lo, chubakah hruaitu t^n chuan a mawi lo khawp mai, keini hruaitu dang pawh min timualpho a lawm.

Ahmai: Engkimah hian a over vel vek a nih hi. Ehe, drama competition an lo \an tawh a nih khi, Bethel drama party te’n an chang dawn chiah, hawh en lawk ang.

Tlangval pahnih an rawn inzui lut a

Liana : Bro, ngati nge vawiin kha i rawn fellowship leh si loh a?

Muana : Ngati nge ka fellowship ang a?

Liana : Hmm, nizanah ‘naktuk chu fellowship vek ang u,” kan tih kha.

Muana : Kan ti maw?

Liana : Ti e, nangmah ngeiin chaw bar tuam tuam pahin, “kal vek tur, kal vek tur,” i tih zuah zuah kha.

Muana : E, nizan khan kan chaw ei lai ka hre reng reng hleinem. Tukin ka thawh hnuin nizana kan chaw ei lai ka hre si lo a, chaw ei loin ka mu emaw ka tia, chaw\hing ka ei \euh a sin.

Liana : Naaa, nizanah kh^n chaw i ei satliah pawh a ni lo, vawi li lai i dawh nawn a, nangmah paw’n dawh nawn peih loin mi hrang hrang kha, “min hmangaih chuan, chumi chuan tunah chaw min lo dawh nawn sak ve leh ang” i ti vel a, kan dawh nawn sak diat diat che maw le. I nawi zia kha i hria em? Vawiin fellowship lah phur tawkin i rawt vel zuah zuah a, nangmah ber i rawn kal leh tawp si lo, zanin chu kan thlim maithei che a ni.

Muana : Mai mai a, ka chaw ngainatzia i hria tiraw?

Liana: Hria e, i chaw hehzia chu tlang hriat a lawm.

Muana: Nizanah ka thil ngainat tak chaw ka ei lai pawh ka hriat loh chuan engtin nge ka ngainat loh tak fellowship chungchang kan sawi chu ka hriat reng i rin a?

Liana : Mi hnialte lah hi i hrat zawt zawt sia aw.

Samuela : (lo luh pahin) Khaw’nge in lo awm daih a, ka zawng ka zawng che u a lawm?

Liana : Hei, thusawi anga awm lopa hi ka lo zilh vel mek a nih hi.

Samuela : Khai khai Muana, i inkhawm lo chu lawm hle rawh.

Muana : Engvangin maw?

Samuela : Rel station hi a ni ringawt, ser ser leh hrek hrek an uar si, sawlai vel boruak reilo te ka va tem pawh kha ka hne  hlui hman.

Liana : Han sawi chiang deuh la, kan awmho vek sia, i va lo hmu hnem awm bik ve.

Samuela : Aw, i va kaw lo tak. Kan hmaa \hute, kan hnunga \hute khawi amite pawh kha an inrel sep sep kha, REL STATION a nih kha. An phun ser ser a, min melh ang hrek hrek a, ka chhuah daih kha i hre lo’m ni?

Liana : Hria e, i COC chak a, i chhuak  emaw ka tia.

Samuela : Teuh lo, teuh lo! Khatiang indona, inphiarrukna, inelrelna hmunah khan ka awm peih lo a nih kha.

Liana : Ha haa, uar awm mai mai a sin.

Samuela : A dik chiah a lawm.

Muana : Vawiin khan misual beidawng deuh pakhat chu in fellowship na hmunah khan hlimna  hmuh mial beiseiin a rawn kal a, tum bura i chhuak lai chiah chiah kha a rawn hmu che a, ‘Pathian mite intawhkhawmnaah pawh hian hlimna a awm chuang lo a, inkhawm inkhawmho pawh hi an hlim chuanglo a nih hi’ tiin a aia beidawng lehzualin a kalbo leh ta a sin.

Liana : Hahahaaa, i rawn spy ami?

Samuela : Muana, eng nge i sawi tum?

Muana : Tehkhinthu a nih khi, hehe. Taktakah in han sawi hmang a\angin keini hi rawngbawltu \angkai tak mai kan ni thei tih ka hre chhuak thar thut, rawngbawl tura koh kan ni.

Liana : Huuuhu, nizan ami kha i la harhfim chiah lo a ni lo maw? Hahahaaa

Samuela : Liana, lo chiau chul lo teh, Muana, han sawi chiang teh.

Muana : In nuih a za maithei; mahse khilaia tehkhinthu ka sawi atang khian in hrethiam em? Samuel, nang pawh inkhawm ngailo i nia, inkhawmho nungchang mawilo lutuk avangin i ning a, i chhuak a; mahse midang lo hmuh dan  chuan kristian \halai inkhawmna atanga chhuak tum bur i ni daih. I va inkhawmnaa i va hmuh tlin lohho zingah khan i tel ve reng a, anmahni i va ei loh viau khan nangmah i in eilo nghal tihna a ni. Tumah mahni leh mahni in eilo a, inten an awm ngai lo, achhanchu mahni chu kan inhmangaih tlat vang a ni. Chutiang chiah chuan kristiante hi pumkhat kan ni tih hriain  inhmangaih ila chuan in ei loh, inrel tih vel hi a awm dawn lo a, tlin lohna pawh kan inthup mawi sakin kan inhliahkhuh zawk dawn a ni.

Liana : |ha leh dup dup si ve; Mahse eng nge kristian thalai ho nundanah chuan sawi ve tur kan neih a? Khawm pawh kan inkhawm ngai si lo. Anni chu an duh duhin lo nung se keini chu kan hlim a, kan inhmangaih tlang a, a tawk viu lo’m ni?

Muana : Tawk lo e, chu tak chu kan rawngbawlna tur chu a ni reng a ni. Vawiin inkhawm a Samuela thil hmuh- inrel leh insawi sep septe kha inhmangaih tawnna an neih loh vang a ni a, keini hian inhmangaih tawnna chungchang kan zirtir dawn a ni, chumi ti tur chuan keini inkhawm ngailote hi kristian thalai, inkhawm thinte  zingah koh kan ni.

Samuela : Mahse Muana, keini tehlul hian engtin nge an hnenah thu kan va sawi ang? Va sawi ve tehreng pawh ni ila, min lo ngaisang dawnlo nasa ropui si, anmahni mifel leh mifel pawh an inngaisang lo tawn a nia. Keini phei chu min lo hmusit dawn lutuk.

Muana : Thu kan va sawi dawn hleinem, kan nunin kan lantir dawn a lawm. Nangni ka thiante hi vawi khatmah ka hmangaih thu che u ka la hrilh ngai miah lo che u a; mahse ka hmangaih che u tih chu in hre tho a lawm, eng vang nge?

Liana : Zing dar 3 vela rawn phone a  rawn tah hluam hluam i chin thin vang hi a niang.

Samuela : Hahaa, ka hrethiam e. Eng anga hnawksak, mi luak khum ching, min zunkhum ching leh eng anga kan tana tangkailo pawh ni sela dawhthei taka kan bul vela min hnaihtute kan hmangaih tlat hian sawi sawi ngai loin hmangaihna hi kan lo inpe tawn mai thin a ni.

Muana : Ni chiah e, chu hmangaihna inpektawn dan a taka tilang tur chuan ramthim, inhmangaih tawn dan la thiam reng reng lote zingah missionary turin koh kan ni. Kar leh fellowship ah kohna chu chhang turin kan vain kan inkhawm ang. (Kan lawm e. An chhuak ta a)

Ahmai : Hmm, khati zawng kha ‘mi? An va’n chang ho em em, an thlengsang lo ang. Ngati nge i kun reng a?

Ruati: (Insut deuh fap fap chungin) : Thiannu, an drama chan atang khan ka inhmuchhuak chiang lutuk.

Ahmai : Engti zawngin? An chan thiam loh nen nen, an dress a thing si.

Ruati : Aw, keini kristian thalai, inkhawm tlut tlut thinte zingah hian inkhawm ngailote’n missionary an rawn tirh a ngai hial a nih kha.

Ahmai : Drama mai mai a nih kha, a tak emaw i lo ti leh hman elaw? Shaktiman lah a tak emaw i ti tawh bawk, hahthlak thei.

Ruati : Ni e, thiannu, kha drama kha darthlalang a nih kha, chiang takin ka inhmuchhuak a sin. Keini kristian inkhawm peih em emte hian ram hla takah thlaraubo ka hmangaih, missionary ka chawm e kan ti a, kan chhehvela kan thenawmte, kan rawngbawlpuite leh kan hnathawhpuite kan hmangaih thei si lo. Misual kan tih zawkte chuan inhmangaih tawnna awmzia hi a takin an hrechiang em em zawk a lo ni, kan va tluk lo em.

Ahmai : Kan inhmangaih tawn reng a lawm.

Ruati : Kan inhmangaih kan tia, mi chanchin a chhelai sawiin kan rel reng a, mi thatna lai aiin mi that lohna lai kan hmu thei zawk a, kan hmangaih tak takte chu an that lohna lai pawh thupsak a, thuam mawi tur zawk kan ni si a.

Ahmai : Thiannu, kei min rel ve thin em?

Ruati : Aw, zep miahlo chuan ka rel thin che.

Ahmai : Ka ring rengah, keipawh ka rel nasa thei tawp che.

Ruati : A ni maw? A nih ngati nge tunah min hrilh kher a?

Ahmai : Rel tawh loh che ka duh a lawm. Mi reng reng hi an thatna lai chauh hmuhsak a, hmangaih theih hi ka duh lutuk.

Ruati : Tak tak maw? An drama chan khan a hneh ve tho che ka ring rengah.

Ahmai : Nia, mahse rilru nem deuh nih ka duhlo a lawm.

Ruati : Kan rilru kan tihsak tlat thin vang hi a lawm kan inhmangaih tawn theih loh thin. I ex pawh kha i rilru tisak tlat lo la chuan tha deuh leh hlim deuhin in awm mai tur a nia, tunah rilru na deuhin i awm reng phah hi. Chuvang chuan inhmuhchhuah a, inlamletna hun kan neih hi tlawmah la loin inlamlet na’n hmang ang.

Ahmai : Nia, a har viau maithei; Mahse tun hnuah chuan ka thenawm khawveng, min hual veltu zawng zawngte hmangaih taka en vek ka tum tawh ang. Hawh, Thiannu kan mihring ngei ber ve ve tawngtaisak ila

Ruati : Mahse ngei ka ngah lutuk a, tu’nge ka ngei ber ang aw? Top ten ho hi ka tawngtaisak tawp mai dawn emawni le?

Ahmai : Nia, kan ngei hnem sia, chubakah a tha ve hrim hrim tho a, min hnaih veltu hming kan hriat ang ang tawngtaipui  tawp mai ang. Rilru tha leh hmangaihna kan neih zel theih na’n keimahni tan intawngtaisak tawn bawk ila. (An thingthi a)

A TAWP KEUH