Thursday, 22 November 2012

Kum hnih

(Facebook-a kan group 'Mawlhmuar' kum hnih tlin champha puala ka ziah hi dah mai mai teh ang. A hrethiam lo tan chuan a ho ang chu :P)




Mawlhmuar hi mihring chu nise  nausen lawmawm tak, ṭawngthei ṭantir ang vel hi a ni tawh dawn tihna a ni a, duat leh dawm a mamawh hun laitak pawh a ni awm e.(weinj)
Ka facebook khawih ṭantir ve kha thiam ka nei tlemin ṭhian lah ka la nei mang bawk si lo a, zir chawp ti tihin ‘poker’ an tih chu ka’n khel ve chhin a, ka inchhir ngai lohna tur leh ṭhian ṭha tamtak min pe tu thil ṭha ka ti a lo ni reng mai.

Facebook-a mihring hming ka hriat hmasak ber leh ka nel hmasak ber chu tun thleng hian ka ṭhian ṭha ber te zinga mi a la ni zui ta reng a. A chang chuan hmun khata ka chenpui leh khawsakpui ṭhiante ai pawh hian kan inpawhin kan innel hialin ka hre ṭhin. Chu mihring chuan a tir chuan a hming hi Vanlalzuia Khawlhring tiin a dah deuh duah ṭhin a, ‘poker’ table khata kan han ṭhu ho kha ‘Zui bawihte’ ka va ti ve ringawt a, ani lah chuan a rul tawka mi chhanna tur a lo haihchham bik lo nasa, kan ti chho kan ti chho a, kan innelin kan lo innei ta hial a ni(hmmmmmm).

Hepa hian para hnih lai awh vel teh se- Ka net chian loh vanga midang table ka join theih loh laite hian nula rual hruaiin ka table hi a rawn pan hram hram ṭhin a, kha’ng a thil tihte kha ka tana a hlutzia hi hrilh ta i la a chapo dawn lutuk a, ka hrilh lo zawk mai ang.

Kei ṭhian siam thiam lo ber maiin heti taka ṭhian ṭha ka char chhuak che u hi ka ngaihtuah chian apiang hian ka lawm thar leh ṭhin. Nangni ho nena kan inchhar dan lah hi ka chunga thil ṭha in tih vanga inṭan a la ni vek zui. Annie F i’n a rawn raise vak a, ka lo fold daih ṭum kha aw….. ‘MAWLA, I MAWL LUTUK’ min rawn ti vak a nih kha- Chips min pek a tum chu lo ni lekin, kei lahin  lo fold theks pahin ‘MAWLHMUAR’ ka lo ti let vel. Khata ṭang khan NH tih aiah MH tih kan hmang ṭan a, tichuan hmuipuipu Zuibawihtea hoin Mawlhmuar group chu kan form chho ta a ni.(Pui hmel vel lutuk)

Kobtea’n chips min pek min pek hnu leh ka status update vela a rawn uan ve zuah zuah tawh hnu te khan kei mi tlaktlai lo hian ka lo la hrechiang reng reng lo a. A thlalak ka’n en a, patling- hmel pastor ruih mai ni khan ka hmu si a, ka fiamthu thawh ah te khan a rawn nuiin a rawn uang ve thei nasa bawk sia, mak ka tih theih zia chu. Eli Hauhnar nen nupa emaw ka tih ṭhin thu hi chu zep tlat teh ang J Heti tak hian kan innel zuiin kan inpawh ang tih lo hria ila kha aia fiamthu nuihzatthlak deuhte kha ka lo thawh khumin a fiamthu te kha ka lo like nawn awn awn tur a nia, te ka ti tlaikhawhnu leh vel. MH tana kobtea hlutna hi chhut chhuah zawh chi a ni lo ang. A rawn online chiah a, post luck lo tak tak leh riang tak tak te a rawn like thla char char mai te hi a va hlu ṭhin tak. Chu aimaha hlu chu nula member thar kan neih apianga ‘muah incharge’ a a awm theite hi a ni. Nula lam tana a hlut dan tur chu ka hrethiam phak lo. Mawitei te hi a muah chhuah a ni ta hial lo maw le…

Kan poker khel khan poker mai bakah midang(a bik takin vai) hnial kha nuam kan tih ber pakhat a ni bawk a, chumi kawngah chuan Rs chawngthu leh Lalchhuankima han ṭawng theih ṭhin zia leh ṭangkai theih zia kha. A tir lamah chuan kan hnial rawn laih laih a, a tawp lamah chuan hnial rawn pawh ngai loin anmahni hian an hnial hneh lutuk ringawt tih hi kan hre thar leh ṭhin. Ka poker khel kha ka thiam em em lo bawk a, chips te hi ka nei thora thei khawp mai; Mahse Lalchhuankima ai hi chuan ka ngah ve deuh ziahin ka hria(a la na leh ang chu)

Sawi tak angin poker kha ka khel ve ngawt ngawt a, ka thiam lem lo hle a, chips petu hi ka ni khat khawpin ka hria. Chips an inpe ṭhin tih ka hriatna chu Hmingthani hi a ni ta awm e, chips tlemte(a tlem tih pawh ka hriat loh) ka neih laiin ‘ lo kal rawh, chips ka pe ang che’ a rawn ti ve ringawt a, a hmaa ka la neih phak ngai reng reng loh min la pe zui. In va fel hlawm ve mawle…..

Chutia min pek takah chuan kei mi laktlak loh tak hian mi dang pe ve tang ei, ti lo chuan pek ngaiin ka awm chho ta char char hi a ni mai a, ka lo ninawm awm reuh J Chutah, vawi khat chu ka inkhelh laiin ‘lo kal rawh, Ahma-i’n chips a pe dawn che’ a rawn ti leh ngawt a, Ahma-i pawh chu ka lo la hre lehpek lo a nih chu! Chuan, inthlahrun hmel deuh, inthlahrung tak tak mang si loin Ahma-i chips min pek chu ka hmang leh ta hiau hiau mai a. Chu chu makpa rawngkachak lo lan hma hun engemawti lai ami kha a ni. Tun Hnuah lah Hotunu nen an ṭang dun a, Mipa vrs Hmeichhia tih mind game kan khel chho chur chur ta mai a. Makpa rangkachak nen hian ka inkhawngaih ṭhin.

Zan lamah thingpui aia tak deuhhlek inchhawp chunga khel kha ka ni ṭhin bawk a, ka cha chakin ka hriat loh lai khan mi chips kha ka dawng hnem ta ngawt awm e. Vawikhat, 5/10 a ka khel lai hi Alan LNP(Thlamuang taka chawl ta) khan min khawngaih deuh a niang, ‘table ruak zawng rawh, ka lo pe ang che’ min rawn ti ringawt bawk a, Table ruak zawn lamah bak khan inchhuanna tur ka va nei lem lo tak em. Tunah hian khel ta ila, Dr. Mali pawh hi pawh hi chips min pe ngun pawl a nih ka ring J

Khatih laia kan khelhna ber kha chu 25/50 a ni mai a, hlawk thur thura neih ṭeuh pawh kha kan tum lem lo. Chutah Valpuia te Hmingi te ho khan 500/1k tih vel leh a aia sang aṭang khan chips tam tham tak tak an han hlawhchhuak a, Valpuia khan nei thei tura kan inrin reng reng loh kha min rawn pe ta ṭeuh ṭeuh mai a. 1m law law ka lo pe ang che, a’n ti mai ṭhin te kha aw….. Makpa rangkachak a la ni dawn tih chu hria ila ka inthlahrung lo ang; Mahse a hun lai kha chuan ka inthlahrung ve reng. A tukah lah ka lo cha quit leh hman der zel lehnghal.

Krismas laiin kan khel ho dial dial dawn nia, kan tih ṭum a min lenbosan duak kha chu ka khua a va har…………….. teuh tak; Mahse, Ramluahmawia te ho nen kan inhriat phah ve leh hlauh a, engkim hi a lo ṭha leh vek mai a lo nih hi.

Nuih dan ringawtah te hian mihring hi a lo inhriat theih khawp mai. Midang kan nuih huah huah laiin Lyn Renthlei te chu an lo nui ver ver ṭhin a, a nuih dan aṭangin a fake account pawh amah a ni tih ka hriat phah. Zuia chauh khan hre tur a nia, einjjj. Fake account sawi takah chuan ka fake account leh kobtea pawh kha an inkawmngeih hman khawp mai. Lynn Renthlei hi table sira chips claim chhuah dan min hrilh tu kha a ni bawk tak e.

Poker ringawt kan nin hnuah pool te, draw my things te kan han khel chho a. Pool-ah U  Mawitei ka’n hneh lo der vel ah, hahhaha. Draw my things ah lah a thil ziah hriat a har thei bik ropui si. A ṭhuihhruai ho- Ma-i te, Partei te ho hi eng tak ang ve hlawm ang maw? Mawlhmuar mail leh youtube id siamtu Raymond pawh hi ziak nuihzatthlak ve thei tak chu a ni.

A va thui ta em, hming zawng zawng ka lam chhuak vek seng lo. Ka tana he group hlutzia hi ka han share ve mai che u a ni e. Min tihlimtu leh ka khawhar min hnemtute in ni a, in tan lah hian thiltih ka nei tlem si. In zavaia chungah hian ka lawm a ni. A khat tawka Ma-awmi rawn dak lut ve leh zuai ṭhinte hian khawhar a hnem a. Marema Da punkid tra la la la la hunlai te kha a ngaihawm ta hle mai. College kal lai  kan senior, Marema Dar nei tupa lah he group-ah hi chuan kan rualpui kawm ve hmiah hmiah a. A poem hlu tak tak, a khat tawkin kan la hmu thei zui a, malsawmna thuahhnih hi a ni ringawt mai.

Ka sawi leh ang- Kan chhiat tawh ṭuma U Mawitei, Raymond, Joseph leh Rs-i te lo kalte kha aw.. a ropuiin a va lawmawm tak em.  

Thui tawh em em e mai, tawk teh se. ‘Ka ziak ṭha ve tho em’ tiin Hotunu ka zawt leh sek ang a, a ning leh ang chu :P

3 comments:

  1. tum lo deuh a kan chhiar chhhuah vek chu a..

    ReplyDelete
    Replies
    1. Lawmawm thin e. Ka mihring hming ziah ho khian an comment thiam hlawm lo :P

      Delete
  2. DEWAJUDIQQ situs judi online terbaik. menyediakan promo menarik mulai dari CASHBACK/TURNOVER dan Bonus REFRENSI/REFERRAL yang sangat menarik.
    Serta JACKPOT yang sangat besar.
    Menyediakan 7 permainan kartu di dalam 1 website dan 1 akun:
    Kunjungi website kami hanya di
    # www DEWAJUDIQQ INFO #
    Bila anda mempunyai pertanyaan silahkan langsung menghubungi kami di :
    Twitter : dewajudiqq99
    Facebook : dewajudiqq
    Instagram : Dewajudiqq
    BBM : 2AF2314F
    WA : +85593827763

    ReplyDelete