Ka thu leh hla thenkhat ka vawmkhawmna hmun a ni. I peih chuan chhiar ve ta che.

Thursday 14 April 2011

THU HMAHRUAIIIIIIII

         He hringnun; chhiarthiam har tak, chhiar loh theih si loh. Zawh fuh loh, rah pelh palha chhiat hlen der theihna, zawh loh theih si loh hi mi engzat takin thlirna tlang hrang hrang atangin thlir tawh tak a ng maw. Tung chho a kal, mi pangngai chin hi chuan engemaw chang chuan kan thlirin kan chhut kan chhut ve thin hlawm ngei ang le. Hetianga ka thlirna atanga ka hmuhchhuah tak chu (ka hmuhchhuah han tih hluai hian a ropui hmel ve deuh) hringnun kan thlir dan tamtak hi chu bula mi te, kan chhehvel amite min thlirdan tur ni awma kan ngaih atang hian a lo irhchhuak ve chawk thinin ka hria.
       He thu ngei pawh hi chhung inkhawm vela chhiarchhuah tura ziah ni ta se- nu leh pate u leh naute min thlir dan tur keima lama ka lo ngaih ve dan atangin tamtak chu a irhchhuak ngei ang. Chutiangin vengchhung chanchinbu emaw, khawilai bial bik atan emaw atana tih pawh nise a dang leh daih thei ang.
       Amaherawhchu, helai hmun hi chuan a huap zau hle turah ka ngai a. Kohhran emaw, pawl emaw mitmei leh ngaihdan ngaichang lemloa mahni rilrua awm ang ang phawrh bawrh bawrh na'n hmang teh ang- ka ti a ni. !!!!

1 comment:

  1. Khawngaih takin i contact, Fb or phone leh address min hrilh thei em? Ka hming chu Hlimpuia Chhangte, tunah Delhi-ah ka awm mek. FB-ah chuan Hp Don Chhangte tiin ka ziak. I thuziah thar tur kan nghakhlel leh tawh hle a ni. I hming leh awmna te min hrilh ve ngei ka beisei e.

    ReplyDelete

KRISMAS HLAWHTLING

Short Sermon te, Sermon te Christmas thuchah hrim hrim bakah ṭhalaite chuan Christmas a lo hnaih hian bonus kan dawng ṭhin. Zilhna leh fuihn...