Ka thu leh hla thenkhat ka vawmkhawmna hmun a ni. I peih chuan chhiar ve ta che.

Friday 6 July 2012

Khengbettu diktak



Isua Krista chu nang leh kei min chhandam turin kan sualna leh bawhchhiatna avangin hrehawm tinreng tuarin kalvari tlangah khenbehin a lo awm tawh. I nundan leh chetziain Isua tawrhna chu i belhchhahin  nangmah ngeiin Isua chu i khengbet nawn fo thin tih i hria em?

(Tlangval pathum an lo lang a)
Tlangval 1: Ninawm e……, inla strick vel hlawm lutuk a

Tlangval 2: Engtikahmah an tireh tak tak chuang lo ang. Ho eeeeeee mai a, an peih reih tak tak    chuang awm lo e mai.

Tlangval 3: A ninawm a nih hi, ti r’u hetilaiah hian i thu phawt teh ang
u.

(Nula pahnih- Rosy leh Bti an lo lut a)

Tlangval 1: Rosy, i inkhawm dawn e law?

Rosy: Ka inkhawm dawn a, min hmuh reng hi.

Tlangval 2 : I va thinchhe reuh ve a, i zak chai na nge/ Ve mai mai a che.

Tlangval 3: Be fuh lo tiah tiah ve a, haha. Kha nu kha a rapthlak reuh a nia, thalai treasurer ve si. An thenawmte phei chuan kawlhseni an ti thin.

Tlangval 1: Zanin chu kan va che fuh lo ve maw le, hawh u inkhawm ve tawp ang u (ti el deuhin) upa ho chu an meng phawk mai mai ang chu.

Tlangval 3: Inkhawm ve ringawt a ni lo’m ni, ho awm e(a nui hak hak a)

Tlangval 2: Ninawm kalsawn teh ang u.

(Biakin chhung: thusawituin thu a sawi a)

Rosy: Ninawm a sawi rei leh ngawt ang.A sawi zawi niah nuah si. Khaw’maw knocks chu(sahdah a hmuam ru rak rak a)

(Tlangval pathum an rawn lang ve hlawl a)

Tlangval 1: Lut ve tawp ang, ho lutuk.


Tlangval 2: A zahthlak, kei chu ka duh lo, ka zak a nia.

Tlangval 3: Ho lutuk, lo kal rawh (an rawn inpawt lut khut khut a)

Thusawitu: (Isua tawrhna chungchang a sawi a….) A tawp berah chuan unaute u, heihi kan hriatchian ka duh a ni. Isua chu kan sualna avangin khenbehin a awm tawh a, chuvangin kan taksate hi sual tihna’n kan hmang tawh tur a ni lo. Lalpa tan chauh tithianghlimin , Zu in na’n te, Damdawi tih na’n te kan hmang tawh tur a ni lo.

Rosy: A dik chiah(tlangval ho en pahin) he’ng ho themthawm hi a lawm..

Thusawitu:  Zaninha hian Chhandamtu’n i tana a tuar tawhna chu hriaa AMAH chu Lal leh Chhandamtu atana pawmin Isua tilungngai leh tawh lo tura i inhlan thei a nih chuan i thuthmun atang khan lo ding turin ka ngen a che.

(An ding deuh nual a, tlangval pathum pawh an ding ve a)

Rosy: He mite pathum ve ringawt hi an va han zakthei lo tak, an daihrei leh awm lo ropui si.

Thusawitu: A lawmawm hle mai, ka’n tawngtai ang e(……)

Rosy: (Amahin a lo lang a) Ninawm lutuk chhuatte hi in tibal thei si, tihfai man pawh a awm lo(hmunphiah pahin a ang hmuar hmuar a)

Bti: (kawngka kik pahin) In awm em Pi Hmachhuan? In awm na nge, Lal Rosy..

Rosy: Awm e, lo lut rawh u..(Bti a lo lut a, an phul deuh hlut hnu chuan)

Bti: Awi lal Rose, en the kei chu nizan kan inkhawm bang ka haw kha ka inngaihtuah a, kan thusawitu thusawi leh kha’ng Drugs addict piangtharte kha ka ngaihtuah mai mai a; Keini chu tihian kohhranah inhmangin thilsual langsar engmah kan ti lo a, mahse kan thinlungah hian Isua hi a lal lo tlatin ka hria.

Rosy: I ho dep dup e mai a.

Bti: A nia lawm. Rosy, Drugs addict te kha chuan an sualzia an hria a, Isua’n an tana a tuarna chu an pawm mai a; Mahse keini chu kan inti fel em em a, Isua hi kan thinlungah a lal lo mai ni loin keimahni ngei hian kan rilru, kan ngaihtuahna leh kan intihfelna hmangte hian kan tiretheiin kan khengbet nawn fo niin ka hria. Kei chu Isua hi ka tilungngai duh tawh lo, Rosy!

Rosy: A dik khawp mai(thutak deuh in) I han sawi takah chuan ka var deuh uar mai. Ka nundan chu sawi ngai lo a ni a, ka rilru leh ngaihtuahna- midang tlin lohna lai hlir hmu a keimah ka lo intihfel em emna hmangte khan Isua chu ka lo khengbet nawn fo thin a nih chu. Keimah ngei hi KHENGBETTU DIKTAK chu ka lo ni. Ka thinlung khauh tak, speaker aw ring leh chher tak takte pawhin an auh pawh zawh loh chu i rawn au pawp ta a nih hi. Tun atang chuan Isua hi ka khengbet nawn tawh lo ang. Keimah avangin hrehawm tinreng a lo tuar tawh a,; Mahse tunah chuan vawiin atang ngei hian Keimahah Isua chu kaihthawhin a lo awm ve ta

Bti: Rose, a lawmawm hle mai, ti rawh i tawngtai ang.(……)

A tawp ta

(He lemchan tawite hi 2005 march thlaa ka ziah kha a nia, Good Friday-ah emawni Biakinah kan chang)

9 comments:

  1. tawi tha hle mahse mahni nun ah in en ta ila...inhmuhchhuah thei na khop chu ani e...
    "KA FA I THINLUNG MIN PE RAWH" ti tu pek mai chu a thra ber ang... :)

    ReplyDelete
    Replies
    1. va'n comment thiam thei tak :D. thenks

      Delete
  2. Ka chhiar dawn emaw ka ti a,darthlalang lianpui hmaah ka in en ta daih a.!

    ReplyDelete
    Replies
    1. Pu Lr Colney, min lo chhiarsak thin a, ka lawm hle mai.

      Delete
  3. a tawi mah mah ka kham lo hehe

    ReplyDelete

KRISMAS HLAWHTLING

Short Sermon te, Sermon te Christmas thuchah hrim hrim bakah ṭhalaite chuan Christmas a lo hnaih hian bonus kan dawng ṭhin. Zilhna leh fuihn...