Ka thu leh hla thenkhat ka vawmkhawmna hmun a ni. I peih chuan chhiar ve ta che.

Saturday 13 November 2021

PATHIAN NGAIHSAK

 


‘Sam 4:3 Lalpa chuan Pathian ngaihsak mi chu

Ama tan a dah hrang tih hre zawk rawh u’

 

Mizo ringtute zingah hian kan infuihna langsar tak, fel lo deuh nia kan hriatte kan zilhna lar tak chu ‘Pathian ngaihsak ve deuh rawh’ tih hi a ni awm e. ‘Ani hi chuan Pathian lam hi a ngaihsak lo ve lutuk a’ tihte pawh kan hmang rim viau. Pathian ngaihsak chu eng nge ni a, engtin nge Pathian kan ngaihsak ang tih lam chu inhrilh thar leh chiam ṭul turah ngai lo ila. Tun ṭumah hian keimahni nun kan lo inenletna atan Pathian ngaihsak hun tih lam sawi kan tum dawn a ni. Engtikah nge Pathian chu kan ngaihsak ang?

LAWM LAI LEH HLAWHTLIN LAIIN : Kan nunah lawmna lam kan tawn tam a, hlawhtlinna kan chan lai tak hi ṭhenkhat tan chuan Pathian ngaihsak leh belh tlat a  harsat lai a ni duh khawp mai. Loneitu leh ramhuai pakhat chanchin  zirlaibuah kan zir ṭhin. Chu loneitu chu ramhuai pakhatin Pathian a ngaihsak ṭhinna lak ata hruai pen tumin a thlemin a bei a, a chaw fun te, a hnathawhna hmanruate lo thuhruksakin a lo dah bo sak ṭhin a, harsatna hmangin Pathian sawichhiattir a tum a ni; Amaherawhchu  loneitu khan Pathian phatsan leh sawisel a hnekin Pathian a ringin a ngaihsak leh zual zawk tlat a, chutah chu ramhuaite chuan a thurawn dawn angin  a beih dan a han thlâk ta a,  loneitupa chu buh tam tak thar tirin malsawmnain a han vur ta tak tak a, a buh ei sen lohte chu zu ah thlawrin

Thursday 2 September 2021

LALPAA INNGHAH

 (Bible chhiar tur-Sam 37:5- ‘I awm dan tur chu Lalpa chungah nghat la, Amah chu ring la, Ama’n a ti vek ang.)

‘Lalpaa inngah’ awmzia leh Lalpaa innghatte awm dan-

Inpumpekna, tluk luhna: Lalpaa innghatte chuan an zawng zawng Lalpaah pein an inpumpek a, Amah ah an tlu lut ṭhin. Anmahni lam duhdan aiin Pathian duh dan leh Pathian thu an nunah a lal a, an taksa, an ngaihtuahna leh thinlung zawng zawng nen Lalpaah an tluk luha, an inpumpek avangin an innghahna, an behchhan, an rinchhan chu Lalpa a lo ni tawh ṭhin. Lalpaa innghatte chu Pathian ram tana an inpumpek miau avangin Pathian ram tan ṭhahnem an ngai a, rawngbawlna lam pawh an ngaipawimawh ṭhin. Keini Pathian ringtu, Kristian intite hi Lalpaah kan innghat em? Lalpaah inpumpekin kan zawng zawng a tan kan hlan em? Kan nun dan, kan rilru leh ngaihtuahna nen lam hian Amaha ah kan pe lutin kan inpumpek em? Pathian ram zauh zelna atana kan ṭhahnemngaihna leh kan rilru put hmangte Lalpaa innghat ringtu chuan kan chhut nawn fo a ṭul khawp mai.

Lalpa Lam an en tlat: Lalpaa innghatte chuan Pathian lam an en tlat ṭhin a, khawvel thil dang leh ngaihdan dang ai chuan Pathian thu ah an innghat a, Pathian an en tlat a, Pathian thu chauh an ngaipawimawh ṭhin. Thufingte 29:25-  ah chuan ‘Midang ngaihdan pawisak luat a hlauhawm a, Lalpaa innghah erawh a him’ tih kan hmu a, Pathian thuin engtin nge

Tuesday 31 August 2021

A ROPUI BER CHHANDAMNA

 

(Pastor leh Kristian Missionary pakhat hi rawngbawlna hmunah an rawn inzui a)

Missionary:        Pastor, tuma’n kan thusawi leh kan thuhrilte an ngaihsakin an ngaithla duh bawk si lo a, engtin nge hetiang chuan kan rawngbawlnain hma a sawn theih ang le?

 

Pastor:                  Pathian hnenah ṭawngṭai ila, Ani’n a duh angin min hruai zel ang, a rawngbawl tura  A koh kan ni a, min thlahthlam hauh lo ang. (An kal ta zel a,  kalkawngah chuan kawngsirah damlo leh a buaipuitu pakhat hi an hmu a)

 

Missionary:        Ehe, saw mite saw kan rawngbawlna khuaa mite kha an nih saw. An damlo a va ang ve.

 

Pastor:                  (An bul an va thlen phei chuan) Chibai u, enga ti nge ni ta? Puih in ngai em?

 

Tlangval:              Hei,  khuaah kan haw dawn a, kawnga kan kal laiin ka nu hi a pum a na thut a,

Friday 27 August 2021

U TETEI LIVE KAN EN

 

Kan editor hian, ‘march thla issue ami tur sermon lo ziak teh’ tiin whatsapp message min rawn thawn a. Ka rilruah ‘ka ziah sa eng ber nge ka p>k ang aw’ tih a rawn lang hmasa ber a; Mahse ka thil ziah sa ve ho ka’n ngaihtuah a, sermon rim a nam lo viau hlawmin ka hre lawi a, chutih lai v>k chuan ‘sermon rim nam chu eng nge ni chiah le’ tih ka rilruin ka inzawt a, ‘SERMON’ tih te ka’n google leh ang lawp lawp a.

Sermon chungchang ka ngaihtuah ka ngaihtuah kual hnuin ka tih \hin dan pangngaiin a pawimawh ber ka sermon ziah tur thu ngaihtuah si loin thil dang dang ka suangtuah kual a, ‘kan biakinah hian sermon dawn ta ila’ tiin ka sermon dan tur vel leh ka sermon laia ka awm dan tur vel hetiang hian ka suangtuah kual ta vak vak a.

Biakin ah leh bus ah hian tlar hma lamah ka \hu ngai vak lo a, confi deuhin tlar hnung lamah hian ka \hu vei hm^n \hin. Amaherawhchu ka sermon dawn ni chuan pulpit panna kawng a thui lutuk loh na’n tlar hma lam deuh ah \hut ka tum rilru a, hma leh lutuka ka \hut chuan ka phur over emaw tiin

KRISMAS HLAWHTLING

Short Sermon te, Sermon te Christmas thuchah hrim hrim bakah ṭhalaite chuan Christmas a lo hnaih hian bonus kan dawng ṭhin. Zilhna leh fuihn...